14/11/2021

आज सुहास शिरवळकर यांच्या जन्मदिनाच्या पूर्वसंध्येला 'सार्वजनिक वाचनालय कल्याण' येथे शिरवळकर कुटुंबिय, चाहते, वाचकवर्ग आणि ग्रंथालयाचे कार्यकर्ते यांच्या सोबत 'पुस्तक प्रदान सोहळा' या कार्यक्रमाला उपस्थित राहता आले. हे सू. शिं. चा वाचक म्हणून माझे भाग्यच ! कार्यक्रम दृष्ट लागण्याइतका सुरेख झाला. वाचनालयाचे आभार आणि त्यांच्या उत्तरोत्तर प्रगतीसाठी शुभेच्छा !

14/11/2021

सू. शि. एक किताब हा लेख 'पथदीप' या पुस्तकात आहेच. एक मित्र फिलोसोफर अँड गाईड आजही तरुणांच्या हृदयावर राज्य करतात ते सु. शि. !

20/01/2021

योगायोगाने आज कल्याणात येणे झाले आणि कल्याण सार्वजनिक वाचनालयाच्या पुस्तकांच्या स्टॉलला भेट दिली. कधीतरी वाचनालयात यायचे मनात होतेच हि इच्छा अवचितपणे अशी पूर्ण झाली. वाचनालयाच्या साआर्व उपक्रमांना मी मन:पूर्वक शुभेच्छा देतो.

10/11/2020

सार्वजनिक वाचनालय कल्याण येथे सदिच्छा भेट दिली.१८५६ साली स्थापन झालेल्या वाचनालयाला निश्चित पणाने कल्याणच्या साहित्यिक संस्कृतीची परंपरा आहे. अनेक सामान्य व्यक्ती वाचनालयाच्या माध्यमातून वैचारिक सक्षम झाले असतील.

01/02/2020

सार्वजनिक वाचनालय कल्याण या संस्थेला आज व्याख्यानाच्या निमिताने भेट देण्याचा योग आला. दीड शतकाहून अस्तित्वात असलेली हि ज्ञानाची पाणपोई अनेक तृषार्तांची ज्ञानाची तहान गेले १५५ वर्षे भागवते आहे. या कैवल्वाच्या वाटेवरला मी एक यात्रिक. आज येथे येण्याचे भाग्य लाभले हा माझ्ह्याक्र्ता एक सुयोग आहे असे मी समजतो.

28/12/2019

आज कल्याण सार्वजनिक वाचनालयाने माझे पेशवेकालीन स्त्रिया या विषयावरचे व्याख्यान आयोजित केले होते. इतिहासारखा विषय असूनही मोठ्या संख्येने इतिहास प्रेमी श्रोतृवर्ग उपस्थित होता. या श्रोतृवर्गाला मानाचा मुजरा आणि कल्याण सार्वजनिक वाचनालयाचे आभार हे ग्रंथालय अतिशय नेटके व सुसज्ज आहे. ग्रंथालय पाहून मन प्रसन्न झाले.

15/12/2019

सार्वजनिक वाचनालयाच्या विद्यमानाने जो ज्ञानयज्ञ सुरु आहे. त्याला हार्दिक शुभेच्छा ! ज्ञानदीप लावू जगी नाचू कीर्तनाचे रंगी ! तेच कार्य तुम्ही करीत आहात शुभेच्छा

26/10/2019

आज रोजी दिवाळी अंकाच्या प्रकाशनानिमित्त आणि पारितोषिक वितरणार्थ आपल्या वाचनालयात उपस्थित राहण्याची संधी लाभली. एक आनंदाचा अनुभव लाभला अध्यक्ष श्री राजीव जोशी त्यांच्या सर्व सहका-यांच्या मदतीने वाचकांसाठी कल्पकतेने जे उपक्रम निष्ठेने साहित्यप्रेमाने अमलात आणीत आहेत. ते पाहून आनंद व समाधान वाटले धन्यवाद

26/10/2019

आज ता. २६ ऑक्टो रोजी सार्वजनिक वाचनालयात 'गुंतलेले पाश' सादर करताना अतीव आनंद झाला या वाचनालयाच्या कार्यक्रम संबधित पदाधिका-यांच्या फार मोठा वाटा आहे. त्या सर्वाना धन्यवाद

27/07/2018

आज गुरुपौर्णिमा कार्यक्रमानिम्मित सार्वजनिक वाचनालय कल्याण येथे मुलांशी संवाद साधण्यासाठीआलो. खूप आनंद झाला. वाचनालयाने वाचन संस्कार मुलांमध्ये रुजविण्यासाठी परिश्रम पूर्वक कार्यक्रम आखला होता. एकूणच प्रसन्न वातावरणात कार्यक्रम संपन्न झाला. वाचनालयाच्या पुढील उपक्रमांना हार्दिक शुभेच्छा